زيي زيكم اكيد مش بختلف كتير عن اي واحد منكم
بس انا انهارده لسا واخده اجازه ايه طازه وبعد فتره طويله جدا من ملل وامتحنات وانتوا عارفين بقي
هي صحيح مش اجازه طويله بس اكيد كل واحد منكم بيفكر في ايه ممكن يعمله ويستمتع بيها ازاي
ايه رايكم لو كل واحد فينا حب يساعد التاني ونفكر سوا ايه ممكن نعمله في يومنا وازاي نشتريه بجد
اكيد كل واحد مننا يختلف عن التاني في يومه بس اكيد ما بنا شيء مشترك لازم بنعمله كلنا
فلنا رب واحد لا اله الا هو
نفسنا كل واحد مننا يغير من نفسه شويه
مش بقول تغيير كامل فجاه او مره واحده بس ان الله لا يغير ما بقوم حتي يغيرون ما بانفسهم معايا والا ايه؟
يعني نبدا واحده واحده اللي مش بيركعها خالص يبدا يسال نفسه ؟؟ طب قلولي هيسال ويقول ايه؟؟
انا انهارده عايش بكرا يا ترا هكون فين؟؟انا انهارده مقضيها ومش هاممني حاجه
بقولك ايه
شفت ( س من الناس) كان تمام جدا سبحان الله كان لسا معايا الصبح راح فين دوقتي ياترا بيتسال في ايه دوقتي وحاله ازاي
ياترا كان بيصلي
حاسب نفسك قبل ان تحاسب
ابدا ومش تكسل ومش تصعبها علي نفسك
سيبك من شلتك وانا كمان هسيبني من الشله الوحشه بس هخليني مع الناس الكويسين
صدقني مش بقول لا نصيحه ولا حكم دا كلام كلنا عرفينه
بس يمكن مع ظروف الحياه ومتغيرتها بنسهوا عن اهم شيء فيها
اللي هو اصلا حياتنا
نيجي بقي للي بيصلي سطر وسطر
يعني يصلي مكن ظهر
مغرب
ويسيب الباقي
اصلي انا كنت في شغل
اصلي كنت مش عارفه فين
اصلي الاكل كان علي النار
اصلي واصل لما بنتعب
اصلي انا كنت تعبان وعايز انام
بالله عليا وعليكم حد ضامن دنيته حد عارف هو هيعيش قد ايه
بكلم نفسي قبلكم عايزين شويه تركيز في الصلاه داحنا لو بنتكلم مع حد كبير او في درس بناخده هيجي في الامتحان بنبقي في غايه التركيز
فما بالك انتي بتبقي واقف بتتكلم مع مالك الكون كله سبحان الله
ياريت يا اخواني نحافظ كلنا علي صلاتنا هي دي البدايه
وياريت قدر الامكان تكون في اوقاتها
وبالاخص صلاه الفجر
حاسه صراحه اني طولت عليكم وممكن تكونوا زهقته بس بجد انا بتكلم معاكم من قلبي مش تاليف كلام بذكر نفسي وبذكركم بحاجات قد تغفل عنا
ازاي بقي تشتري يومك بجد
معانا اللي بيشتغل وربنا يعينه ومعانا اللي بتقضي شغل في بيتها
ومعنا اللي ناوي يقضيها نوم يعيني تعبان ومعانا بردك اللي نويها خروجات واللي هيقضيها تليفونات وتليفزيونات واللي واللي ..... قولي انت بقي ناويها ايه؟؟
بصوا معايا بصراحه اصلي رخمه شويه استحملوا وفكروا معايا
اكيد كلنا نفسنا نعمل شيء حلو بجد نشتري بيه يومنا قبل اخرتنا
ونفيد بيه نفسنا وغيرنا كمان
ها بقي انا اتكلمت كتير ؟؟ عايزه اعرف منكم كل واحد ناوي يعمل ايه ان شاء الله
وازاي يحقق دا عشان مش يبقي كلام وبس
وازاي يتقي الله في هدفه ويؤدي ما عليه من فروض وواجبات
لا اله الا انت سبحانك اني كنت من الظالمين