قالتلى بحبك
لما قالتلى تعالى اقولك كلمه انا حاسه بيها ومش عارفه اخبيها
قولتلها قولى قالتلى بحبك بس انا خايفه تكون مش حاسس بيها
قولتلها اخيرا انا كان نفسى اسمعها منك وانا اقولها وانتى تحسيها
النهارده ده يوم فى حياتى بتمنى يجى يوماتى ويتكرر فى حياتى
دانا كنت مستنى لوقاكى ياجمل عين شافتها عيناى يا بر نجاتى
قالتلى بجد يا اجمل حب يا شوق القلب يا حلمى فى كل سعاتى
وخدنا بعض بشوق القلب وهربنا هربنا فى دنيا بعديه عن الدنيا
وخدنا الشوق على بر الحب وقالتلى انا ليك ومش هسيبك ثانيه
تعالى يافرحه لينا وامسكى بايدينا ولفى بينا الدنيا ديه الفرحه باينه
فى عينها الحلوه فى شفايفها الجميله يا نور القمر تعالى نور ليالينا
نور لقلبى طريق ولقلبها يهدينا لبعض وتخلى القلوب تجينا
متشوقه على اللقى على الكلام على السهر تحت القمر لبعضينا
ده بر الحب هيفضل لينا وموجود على ذكرانا الحلوه وايامنا
وكل الناس هتيجى فى يوم وتحلم احلامنا وتسهر على كلمنا
وتنام على ريش نعام تحت القمر وسلامنا هيوصل ليهم من قلبونا
داللى بيحب حب حقيقى بيخلد احساس اتولد جوه الناس وكبر بقا حب
وكل قلوب الدنيا بتتلم وكانها قلب عشان تقول الحب ده شوق وقلب
بيسهر على ذكرى الغرام واحلى الكلام وكان طعمه زى الشهد
انتى هتفضلى ليه على طول لحد ما يجى يوم وتكون خلاص اخر مره
وامسك فى ايديك واديكى ورده كنت شايلها ليوم فراق وتبقى اخر مره
المس ايديكى واشوف عنيكى واحس بيكى تكونى جنبى واكون انا ليكى
__________________