ارسميني في عيونك في
خيالـك بعثرينـي
ارسميني في عيونك في خيالـك بعثرينـي
خلف جفنك صوّريني لملميني مـن شتاتـي
واقربي لا تلمسيني واتركي الدمعـه بعينـي
المحيها عشق طاهر تكتب بخـدي وصاتـي
اقري حروفي جروح تنكتب بينـك وبينـي
بالسطر حبر الوريد بالقلم فكري وصفاتـي
ابعدي شوفي المسافه بس لا لا تتهجرينـي
لانك اقرب من وجودي مالكه كلـي وذاتـي
اعشقك نبض واعاني صدق احبك لملمينـي
لاتضني حب عابر صدق في بعـدك مماتـي
برخصه لك نبض صادق مايخونك صدقينـي
اهجر العالم واجي لك نهر خالد في حياتـي
والعبي لا لا يهمك كـل طيشـك يهتوينـي
راضي بكلك وعندك طحت بالحب وغلاتـي
طنشيني اضحكي لي وإلا تدريـن احتوينـي
بزعل بلحظه وانـادي ياملاكـي ياغناتـي
إيه أحبك يا اللعوبه إيه يا آجمـل سنينـي
إيه أحبك في هيامي في جنوني فـي ثباتـي
إنزعي كل الحواجز واشغلي جوفي حنينـي
جربي مره وذوقي سكـرة العشـق بعباتـي
ضيعي في عشقي وقولي ياحبيبي ياضنيني
ما أبي بعدك كفاني شوفني وهـ. ياحلاتـي
بسكت بلهفه وانـادي ضيعينـي ضيعينـي
آهـ. يالريم التعوبه صرت اشوفك في مباتي
ينشرح صدري والمّك والجدايـل تحتوينـي
اهمس بقلبك احبك إنتـي قيـدي وامنياتـي
آتنفس نور وجهك ياضـوآ ليلـي وانينـي
اتبعك واتبع شعاعك اغرق وانسـى أهاتـي
احلف بربي اصونك لو تروحي وتجرحينـي
دام قلبي اختار قربك إيتحمل كـل سواتـي
ينجرح يلعن سوآته لـو تقولـي ماتبينـي
ماضربته ولا طلبته يعشق القمرى ويحاتـي
مع تحيات
ابو الفرسان
موضوع: ارسميني في عيونك في خيالـك بعثرينـي 
السبت فبراير 07, 2009 4:43 am
