هو انت واثق من نفسك

كنت بقول دايما ومقتنع اوي ..اني معنديش ثقه بنفسي ..
حتي لما كنت بتكلم مع حد كنت بتلجلج ف الكلام ...مع اني ممكن اكون اذكي من اللي بكلمو
كنت بقول لا انا معنديش ثقه بنفسي نهائي ...

سألت نفسي هو ليه في ناس عندها ثقه بنفسها وناس لا ... هو انت واثق من نفسك Confused

لقيت ان الثقه بالنفس ..مهارة مكتسبه....
كداب اللي يقولك انها صفه مولود بيها الانسان ..الغرور ماشي هو اللي ممكن يكون صفه يتولد بيها الانسان..
انما الثقه بالنفس مهارة بتكتسبها من حاجات كتير..من نظرة الناس ليك ..وتحفيزهم ليك واعجابهم
بمهاراتك ومميزاتك ساعتها بتحس بثقتك بتزيد..
وممكن من نظرتك لنفسك ..انت شايف نفسك وحاسس انك ذكي ولبق فبتزرع جوة نفسك الثقه ..

بفتكر نفسي وانا ف اول سنه ف الجامعه وانا رايح والخوف ماليني وف اول امتحانات ليا كنت داخل
بترعش ..دلوقتي بدخل الامتحان وانا عندي ثقه اني حتي لو مش هذاكر هنجح ..ثقه جت ومن سنه واحده .. هو انت واثق من نفسك Wink

بس الثقه عشان تبقي ثقه مبنيه علي اساس لازم يكون ليها مقومات ..ومش اي حد يقدر ينمي ثقته بنفسه
ومش اي حد بيبقي عنده ثقه بنفسه ف كامله وف كل المواقف ..

انت اللي بتموت ثقتك بنفسك ..طول ما انت بتتعامل وف ذهنك ان غيرك بيبصلك نظره قليله ..او انه احسن منك ثقتك بنفسك هتتهز ..اقتل الاحساس دا ..

وعشان تنمي ثقتك لازم تهتم بالنقد ..خصوصا النقد البناء ..وما تبصش للنقد الهدام ..وما تبصش لعيوبك
وبص لمميزاتك ..وما تبصش لغيرك وتحاول تقلده..

كل ما بتكتسب خبره كل ما بتزيد ثقتك بنفسك..يبقي لازم تتقبل فشلك او عدم ثقتك بنفسك في شيء انت جديد عليه لاول مرة ..وما تعتبرش دا نهاية ..

المناقشه ولغه الحوار والمشاركه والقرايه والممارسه اكتساب خبرات من الاخرين دي كلها عوامل بتزيد الثقه بالنفس ..

انا مش قصير وقزعه انا طويل واهبل

جمله قالها عبد المنعم مدبولي ف فيلم كان قايم فيه بدور دكتور نفسي بيحاول يقوي ثقه
مريض عنده بنفسه..مشهد كوميدي بس كان هادف لانه فعلا ممكن انك تقنع نفسك وتقتل جواك
اي حاجه ممكن تقلل ثقتك بنفسك....اقتنع من جواك ان محدش خالي من العيوب..
وانك انت زي ما ربنا خلقك ..وانك ممكن تبقي احسن ..وما تحسسش اللي قدامك انك اقل منه ..

كلمات جميليه فعلا لازم نكتسب مهارات علشان ثقتنا بنفسنا تزيد

لو كل واحد اقتنع من جواه يعيش زى ما ربنا خلقه وميحاولش يبص لحد ويقلده

هنكون عندنا ثقه بلنفس .

تقبل مرورى المتواضع.

rawan

فعلا الثقة بنفس دى حاجة مهمة

جدا وادام انتا معندكش ثقة فى نفسك سبقة مش

هتعمل اى حاجة مفيدة بلعكس هتئزى نفسك

لو انتا عندك ثقة واعتمد على نفسك هتشد احترام الناس

ليك وهتعمل حاجات كتير جميلة لنك بتعتمد على نفسك

مش على غيرك

الله يا اسامة دة بجد موضوع جامد اوى
ومهم جدا ويارت كل الاعضاء يقروا الموضوع الجميل دة

وتحياتى ليك

» فضل سورة الكهف (لا تحرم نفسك من الاجر والثواب)