حبيبى نام على صدرى وصارحنى

حبيبي نام ياعمري علـى صـدري وصارحنـي
وفض الصمت باحساسك وخل الحب لـي يجـري

وفضفض لي بعـد عمـري وعاتبنـي وفهمنـي
أنا أطري على بالك كثر ما أنته علـي تطـري؟!

تعال أقرب من أحضاني تـرى خـدك مواعدنـي
يبي يلامس شغف روحي ويقطف بوحي من شعري

تعال أنثـر هنـا ليلـك وخـل ويلـك يولعنـي
أنا أحبك وأبي قربك.. ترى مني قضـى صبـري

أنا نبضك زهر أرضـك وأنـت؟! ايـه تملكنـي
بنحل خصرك ..جمر ثغرك وزود بلونك الخمري

تتوهنـي .. تغرقنـي.. ومـن بـردك تدثرنـي
وتبكي لي وتشكي لي ولـه قلبـك ومـن سحـري

أبي دموعك مع أنفاسـك بصـدق الـود تحرقنـي
وأبي عطرك مع سحرك وآهـك بالحشـا تسـري

أبي همسـك يبعثرنـي غـلا ولمسـك يلملمنـي
وأبي عيونك من عيوني تذوب من الولـع كثـري

وأبي عهدك مـع وعـدك وأبـي كلـك تسلمنـي
وننعم فـي حضـن مـن العالـم وعـن دهـري

وتحييني بهلا شوقـك .. حـلا ذوقـك يشتتنـي
يلوعنـي ويأسرنـي ويملـك بالـغـلا فـكـري

أبي أيـدك تسافـر بـي وزهـر قـدك يلحفنـي
وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشـوق جننـي؟!
أجل تدري مثل ما أدري بأنـك حلمـي يابـدري

حبيبي قوم وصارحني عـن احساسـك وعلّمنـي
أنا أطري على بالك ؟! كثر ما أنته علـي تطـري

حلووووووووووووو اوووووووووووووووووى

تسام ايدك

» حبيبى ......
» انت حبيبى
» يا حبيبى
» وداعا يا حبيبى
» اليك يا حبيبى